БИЛАСИЗМИ?

– Дунёдаги одамлар яшаётган ҳавоси энг тоза жой Австралиядаги Тасмания оролидир.

*  *  *

– Иншоотлар ичидаги ҳаво ташқарисидагидан 25 мартагача кирроқ. Кўпчилик одамлар вақтининг 90 фоизини иншоотларда ўтказади.

*  *  *

– Жаҳон соғлиқни сақлаш ташкилотига кўра, Қоҳира ҳавосидан бир кун нафас олиш бир қути сигарета чекишдек зарарли.

*  *  *

– Автомобил ҳар 40 километрда ўртача ярим килограммга яқин зарарли газ чиқаради.

*  *  *

– Ишлатилган машина мойининг 4 литри бир йилда 50 кишига етадиган – 4 миллион литр сувни заҳарлаши мумкин.

*  *  *

– АҚШда болалар таглиги чиқиндихоналарнинг 1 фоизини эгаллайди. Улар 250 йилдан сўнг чириб битади.

*  *  *

– Дунёдаги энг узун тоғ тизмаси – Анд. У 6400 км.га чўзилиб, еттита давлат ҳудудидан ўтган.

*  *  *

– Айрим қушлар, масалан, балиқчи қуш, бақанлар шўр сув ичиб чанқоғини қондира олади.

*  *  *

– Лайлаклар ҳимояланиш учун 30 сантиметрга етадиган узун тумшуғидан фойдаланади.

*  *  *

– Канарейкани қизил қалампир билан боқса, патларининг ранги тўқ сариққа ўзгаради.

*  *  *

– Бойўғли кўзини қимирлата олмайди, бироқ бошини 270 даража диапазонда айлантира олади.

*  *  *

– Сақоқушнинг тумшуғи остидаги “халта”га 11 литр сув сиғади. Ошқозонига эса ундан икки баравар кам.

*  *  *

– Битта катта эман дарахтида 400 мингтага яқин қурт яшайди.

*  *  *

– Ўргимчак тўри мустаҳкамлик борасида шу диаметрдаги симдан қолишмайди.

*  *  *

– Судралиб юрувчилар ва илонлар учрамайдиган ягона минтақа – Антарктида.

*  *  *

– Тунда бойўғлидек яхши кўра олиш учун одамнинг кўзлари ҳандалакдек бўлиши керак.

*  *  *

– Дунёда балиқлар турининг сони сут эмизувчилар, судралиб юрувчилар ва қушлар турларининг жами сонидан кўп.

*  *  *

– Бир финжон қаҳвада юздан ортиқ кимёвий бирикмалар мавжуд.

*  *  *

– Туяқуш тухум қўйгач, уни 42 кун босиб ётади.

*  *  *

– Айрим денгиз отларининг узунлиги 20 сантиметргача етиши мумкин.

*  *  *

– Дунёдаги энг катта ер чувалчанги 1868 йилда Австралияда топилган. Унинг узунлиги 1 метр 20 сантиметрга етган.

*  *  *

– Дельфинлар одамлардек автоматик тарзда нафас ололмайди. Демак, улар ухлай олмайди ҳам. Агар дельфин ухласа ёки ҳушидан кетса, ҳалок бўлади.

*  *  *

– Капалак қуртининг 4 мингта мушаги бор. Инсонда эса – 600 та.